Aaj TV News

BR100 4,381 Decreased By ▼ -20 (-0.46%)
BR30 16,863 Decreased By ▼ -630 (-3.6%)
KSE100 43,233 Decreased By ▼ -1 (-0%)
KSE30 16,718 Increased By ▲ 20 (0.12%)
COVID-19 TOTAL DAILY
CASES 1,286,825 372
DEATHS 28,767 6
Sindh 476,674 Cases
Punjab 443,453 Cases
Balochistan 33,506 Cases
Islamabad 107,887 Cases
KP 180,316 Cases

بھارتی ریاست مدھیا پردیش کے شہر اندور میں بی جے پی سے تعلق رکھنے والی وزیر برائے سیاحت اوشا ٹھاکر نے اپنے ساتھ سیلفی لینے کے خواہش مند افراد سے فی کس 100 روپے فیس وصول کرنے کا اعلان کردیا ہے۔

بھارتی ذرائع ابلاغ کے مطابق اوشا ٹھاکر نے اپنے حامیوں سے کہا کہ اگر وہ ان کے ساتھ سیلفی لینے کے خواہش مند ہیں تو فی سیلفی 100 روپے ادا کرنے ہوں گے۔

اوشا ٹھاکر نے میڈیا سے بات چیت میں کہا کہ سیلفی لینے کے دوران بہت وقت ضائع ہوتا ہے جس کی وجہ سے بسا اوقات گھنٹوں کی تاخیر کا بھی سامنا کرنا پڑتا ہے، اس لیے انہوں ںے فیصلہ کیا ہے کہ اب جو بھی ان کے ساتھ سیلفی لے گا وہ 100 روپے فی سیلفی قیمت ادا کرے گا۔

اس سے قبل اوشا ٹھاکر ںے پارٹی کارکنان کی جانب سے پیش کیے جانے والے پھولوں کے گلدستے بھی قبول کرنے سے انکار کیا تھا اور کہا تھا کہ انہیں پھول پیش نہ کیے جائیں۔

خیال رہے کہ 55 سالہ وزیر سیاحت اوشا ٹھاکر اکثر و بیشتر اپنے متضاد بیانات کی وجہ سے میڈیا میں سرخیوں کی زینت بنتی رہتی ہیں۔