Aaj TV News

BR100 4,760 Increased By ▲ 117 (2.52%)
BR30 20,622 Increased By ▲ 327 (1.61%)
KSE100 45,851 Increased By ▲ 547 (1.21%)
KSE30 17,940 Increased By ▲ 232 (1.31%)
COVID-19 TOTAL DAILY
CASES 1,270,322 516
DEATHS 28,405 13
Sindh 468,401 Cases
Punjab 439,450 Cases
Balochistan 33,211 Cases
Islamabad 106,777 Cases
KP 177,646 Cases

شادی کا دن انسان کی زندگی کا سب سے پر مسرت دن ہوتا ہے، لیکن بعض اوقات یہ دن ایک بھیانک خواب میں تبدیل ہوجاتا ہے۔ ایسا ہی ہوا بھارتی شہر اجمیر کے نواحی گاؤں رام پورا میں، جہاں گھوڑی دولہے سمیت فرار ہوگئی۔

دولہا ہنسی خوشی گھوڑی پر بیٹھ کر اپنی دلہن کو بیاہنے نکلا، سب خوشی میں رقصاں تھے کہ اچانک آتش بازی کا سلسلہ شروع ہوا، پٹاخے پھوٹنے کی آواز آنے کی دیر تھی کہ گھوڑی کے اوسان خطا ہوئے اور وہ دولہے کو لے کر فرار ہو گئی، باراتیوں کی جانب سے موٹر سائیکلوں اور گاڑیوں پر دولہے کا پیچھا کرنے کی ویڈیو تیزی سے وائرل ہورہی ہے۔

باراتی گھوڑی کو روکنے کے لئے اپنی کاروں اور موٹرسائیکلوں پر پیچھے پیچھے تھے جبکہ گھوڑی دولہا کو لے کر آگے دوڑ رہی تھی۔ باراتیوں اور گھوڑی کے درمیان یہ ریس چار کلومیٹر تک لگی اور بالآخر شہریوں کی مدد سے باراتی گھوڑی کو پکڑنے اور اپنا دولہا بازیاب کرانے میں کامیاب ہوپائے۔

ویڈیو سوشل میڈیا پر پوسٹ کی گئی ہے جو تیزی سے وائرل ہو رہی ہے اور لوگوں کے لیے ہنسی کا سامان بن رہی ہے۔ آپ یہاں ویڈیو دیکھ سکتے ہیں۔