Aaj TV News

BR100 4,760 Increased By ▲ 117 (2.52%)
BR30 20,622 Increased By ▲ 327 (1.61%)
KSE100 45,851 Increased By ▲ 547 (1.21%)
KSE30 17,940 Increased By ▲ 232 (1.31%)
COVID-19 TOTAL DAILY
CASES 1,270,322 516
DEATHS 28,405 13
Sindh 468,401 Cases
Punjab 439,450 Cases
Balochistan 33,211 Cases
Islamabad 106,777 Cases
KP 177,646 Cases

ٹرین میں سفر کرنے والے جانتے ہیں کہ ریلوے ٹریک کے ساتھ متعدد نشانات ہوتے ہیں، جن کا مطلب عام لوگوں کو تو نہیں پتہ ہوتا تاہم ان تمام نشانات کو ٹرین ڈرائیور سمیت عملے کے ارکان بڑی اچھی طرح جانتے ہیں۔ آج ہم آپ کو ان نشانات میں سے چند ایک کا مطلب بتاتے ہیں۔

٭ W/B سائن بورڈ

آپ نے اکثر دیکھا ہو گا کہ ٹریک کے ساتھ ایک بورڈ پر W/B لکھاہوتا ہے۔ اس کا مطلب "وِسل بلو" یعنی سیٹی بجانا ہے۔ یہ نشان عموماََ پل کے قریب سے گزرتے ہوئے دیکھا جا سکتاہے۔ ٹرین ڈرائیور کے لیے ضروری ہوتا ہے کہ وہ کسی بھی پل سے گزرتے ہوئے ٹرین کی سیٹی لازمی بجائے۔

٭ پٹریوں کے درمیان فاصلہ کیوں ہوتا ہے؟

پٹری چونکہ لوہے سے بنی ہوتی ہے اور لوہا گرمی میں پھیلتا ہے۔ اس لیے گرمی کے موسم میں (لوہا) پھیلنے کی وجہ سے پٹری کو ٹیڑھا ہونے سے روکنے کیلئے ان کے درمیان فاصلہ رکھا جاتا ہے۔

٭ ٹرین کے آخری ڈبے پر "x" کا نشان

ٹرین گزرنےکے بعد آخری ڈبے پر "x" اس لیے لکھا جاتاہے تاکہ نیچے کھڑے عملے کو یہ معلوم ہو سکے کہ یہ گاڑی کا آخری ڈبہ ہے۔ رات کے اوقات کے لیے ٹرین کے اخری ڈبے پر سرخ رنگ کی لائٹ بھی نصب کی ہوتی ہے۔

اس کے لیے علاوہ آخری ڈبے پر ایک طرف :"LV" لکھا ہوتا ہے جس کا مطلب "لاسٹ وہیکل" یعنی آخری ڈبہ ہوتا ہے۔

٭ ٹرین کے ٹریک کے نیچے بجری

بارش کی صورت میں ٹریک کو خراب ہونے سے بچانے کیلئے اس کے نیچے بجری اور ککنکریٹ/پتھر بچھائے جاتے ہیں،۔ بارش کا پانی پتھروں سے بآسانی گزر جاتا ہے جس سے ٹرین کا ٹریک نیچے دھنسنے سے بچ جاتا ہے، اگر یہ ہی ٹریک سخت سمنٹ سے بنایا جائے تو جلد ٹوٹ پھوٹ کا شکار ہو سکتا ہے۔