پاکستان میڈیا ڈویلپمنٹ اتھارٹی کےخلاف صحافی سراپا احتجاج ہیں اورپارلیمنٹ کے باہراحتجاجی کیمپ لگایا گیا ہے، احتجاجی کیمپ میں پی پی چیئرمین بلاول بھٹو ، لیگی صدر شہباز شریف، اور جے یو آئی کے سربراہ مولانا فضل الرحمان نے شرکت کی۔

حکومتی اتحادی بھی احتجاج میں پہنچے ،پہلی بارایوان صحافیوں کیلئے نو گو ایریا بن گیا ، پریس گیلری کی بندش کے خلاف پارلیمنٹ میں بھی دھرنا دیا گیا۔

پی ایم ڈی اے کے خلاف صحافیوں کا پارلیمنٹ کے سامنے احتجاجی کیمپ لگایا گیا ہے ،پی ایف یو جے سمیت پریس کلب کے عہدیداران اورصحافیوں کی بڑی تعداد نے احتجاج میں حصہ لیا ہے۔

صحافی رہنماوں کا کہنا ہےکہ صحافت کوآمرانہ سوچ کےساتھ کنٹرول کرنا کسی صورت قابل قبول نہیں ۔

رہنماون کا کہنا تھا کہ تاریخ میں پہلی بارصحافیوں کومشترکہ اجلاس کی کوریج سے روک دیا گیا ، پریس گیلری بند کردی گئی ،صحافیوں کو کیفے ٹیریا تک محدود کردیا گیا ، جس کے خلاف نے پارلیمنٹ گیٹ نمبر ون پر دھرنا دے دیا ،اراکین اسمبلی نے بھی اظہاریکجہتی کی ۔

صحافی اظہاررائے کی آزادی کیلئے جدوجہد جاری کیلئے پرعزم ہیں۔ وہ کہتے ہیں پی ایم ڈی اے کے خلاف احتجاج جاری رہے گا ۔