تحصیل سٹی پشاور کےغیرحتمی وغیرسرکاری نتائج کے مطابق جمعیت علما اسلام نے پشاور کےمیئرکاانتخاب جیت لیا ہے۔

جےیوآئی کےزبیرعلی کوگیارہ ہزارووٹ کی برتری حاصل ہوگئی ہے۔

تحصیل سٹی کے520پولنگ اسٹیشنزکےغیرحتمی نتائج آگئے ہیں اور جمعیت علمااسلام نے پشاور کےمیئرکاانتخاب جیت لیا۔

جےیوآئی کےزبیرعلی کو11ہزارووٹ کی برتری رہی ہے اور زبیرعلی56ہزار230ووٹ لیکرکامیاب ہوگئے ہیں۔

پیپلزپارٹی کےارباب زرک44ہزار213ووٹ کےساتھ دوسرےنمبرپر جبکہ پی ٹی آئی کےرضوان بنگش41ہزار221ووٹ حاصل کرسکے۔

پشاور:خیبر پختونخو اکے 17 اضلاع میں بلدیاتی الیکشن میں جے یو آئی(ف)نے میدان مار لیا ،حکومتی جماعت پی ٹی آئی دوسرے نمبر پر جبکہ آزاد امیدوار تیسرے نمبر پر ہیں ۔

خیبرپختونخو ا بلدیاتی الیکشن: جے یو آئی(ف) نے میدان مار لیا، پی ٹی آئی کا دوسرا نمبر

خیبر پختونخوا کی 64 تحصیلوں کے چیئرمین کے غیر حتمی نتائج میں پارٹی پوزیشن میں جے یو آئی 19نشستوں کے ساتھ پہلے نمبر پر ہے ۔

پی ٹی آئی15 نشستوں کے ساتھ دوسرے جبکہ عوامی نیشنل پارٹی 8 نشستیں حاصل کرنے میں کامیاب ہوئی تاہم آزاد امیدوار 13 نشستوں کے ساتھ تیسرے نمبر پر ہیں ۔

جماعت اسلامی نے 3 ،تحریک اصلاح پاکستان اور مسلم لیگ ن کو 2،2تحصیلوں میں برتری حاصل ہے جبکہ پیپلز پارٹی صرف ایک تحصیل میں برتری حاصل کر سکی ۔

چار شہروں میں میئر کا الیکشن بھی ہوا جس میں سے مردان میں اے این پی اور کوہاٹ میں جے یو آئی (ف) کے امیدواروں نے میدان مارلیا جبکہ دیگر 2شہروں پشاور اور بنوں میں بھی پی ٹی آئی پیچھے ہے۔