شکارپور: شکارپور کے کچےعلاقے میں 2 گروپوں میں فائرنگ سے 8 افراد جاں بحق ہوگئے۔

تفصیلات کے مطابق شکارپور کی تحصیل مدئجی میں کلہوڑا اور جونیجو برادری کے 2 گروپوں نے پرانی دشمنی پر فائرنگ کردی ، جس کے نتیجے میں دونوں گروپوں کے 8 افراد جاں بحق ہوگئے ہیں۔

دونوں گروپوں کی فائرنگ سے علاقے میں خوف کی صورتحال پیدا ہوگئی ہے جبکہ پولیس کی جانب سے کوئی کارروائی نہیں کی گئی ہے۔

دوسری جانب جاں بحق افراد کی لاشیں اسپتال منتقل کردی گئی ہیں۔