Aaj News

منگل, مارچ 05, 2024  
23 Shaban 1445  

پی ڈی ایم رہنماؤں کو سیلاب متاثرین کی کوئی پرواہ نہیں: وزیراعلیٰ پنجاب

سیلاب پر سیاست چمکانے والوں کی عقل پر صرف ماتم ہی کیا جاسکتا ہے۔
شائع 04 ستمبر 2022 06:49pm
وزیراعلیٰ پنجاب چودھری پرویز الٰہی (فوٹو:فائل)
وزیراعلیٰ پنجاب چودھری پرویز الٰہی (فوٹو:فائل)

وزیراعلیٰ پنجاب چودھری پرویز الٰہی کا کہنا ہے کہ پی ڈی ایم میں شامل جماعتوں کے رہنما بے حس ہیں اور انہیں سیلاب متاثرین کی کوئی پرواہ نہیں۔

اپنے بیان میں وزیراعلیٰ پنجاب چودھری پرویز الٰہی نے کہا کہ پی ڈی ایم کی جماعتیں دکھی انسانیت کی خدمت نہیں کرسکتی تو ان کے زخموں پر نمک بھی نہ چھڑکیں۔

انہوں نے مزید کہا کہ پی ڈی ایم کی جماعتوں کا سیلاب پر سیاست کرنا قابل مذمت ہے، سیلاب پر سیاست چمکانے والوں کی عقل پر صرف ماتم ہی کیا جاسکتا ہے۔

چودھری پرویز الٰہی کا کہنا تھا کہ پی ڈی ایم کی ساری جماعتیں زبانی جمع خرچ پر لگی ہوئی ہیں- ان عناصر نے ثابت کیا ہے کہ ان کے دل میں مصیبت زدہ بہن بھائیوں کے لئے کوئی درد نہیں۔

ان کا مزید کہنا تھا کہ پنجاب حکومت نے سیلاب متاثرین کی مدد کے لئے ہر ممکن ضروری اقدام اٹھایا ہے۔

cm punjab

Chaudhry Pervaiz Elahi

PMLQ

Comments are closed on this story.

تبصرے

تبولا

Taboola ads will show in this div