Aaj News

پیر, اپريل 22, 2024  
14 Shawwal 1445  

کراچی میں بلدیاتی انتخابات 15 جنوری کو ہوں گے، الیکشن کمیشن

چیف الیکشن کمشنر کی سربراہی میں 5 رکنی بینچ نے 15 نومبر کو فیصلہ محفوظ کیا تھا
اپ ڈیٹ 22 نومبر 2022 03:33pm
فوٹو۔۔۔۔۔۔۔ اے ایف پی
فوٹو۔۔۔۔۔۔۔ اے ایف پی

الیکشن کمیشن نے کراچی میں بلدیاتی انتخابات سے متعلق محفوظ شدہ فیصلہ سُنا دیا۔

الیکشن کمیشن کے فیصلے کے مطابق کراچی میں بلدیاتی انتخابات 15 جنوری کو ہوں گے۔

الیکشن کمیشن کی جانب سے کراچی میں بلدیاتی انتخابات کے انعقاد سے متعلق فیصلہ آج ساڑھے 11 بجے سنایا جانا تھا، جس کا وقت تبدیل کرکے سہ پہر 3 بجے کردیا گیا تھا۔

چیف الیکشن کمشنر سکندر سلطان راجہ کی سربراہی میں 5 رکنی بینچ نے بلدیاتی انتخابات میں تاخیر کے خلاف درخواستوں پر سماعت کے بعد 15نومبر کو فیصلہ محفوظ کیا تھا۔

سندھ حکومت نے مزید 90 دن کے لئے بلدیاتی انتخابات مؤخر کرنے کی استدعا کی تھی جبکہ جماعت اسلامی نے 45 روزمیں انتخابات کرانے کا کہاتھا۔

پی ٹی آئی کو بھی بلدیاتی انتخابات مؤخر ہونے پر کوئی اعتراض نہیں جبکہ ایم کیوایم نے مردم شماری اور حلقہ بندیوں کے اعتراض اٹھائے۔

چیف الیکشن کمیشنر نے کہا تھا کہ صوبائی حکومتیں کبھی بلدیاتی انتخابات نہیں کرانا چاہتیں، 120 دن کے اندر بلدیاتی انتخابات کرانے ہیں

الیکشن کمیشن نے سیکریٹری داخلہ،چیف سیکریٹری سندھ اور آئی جی سندھ پیپلز پارٹی ، ایم کیوایم، پی ٹی آئی اورجماعت اسلامی کو نوٹسز بھی جاری کئے تھے۔

local bodies election

ECP

karachi

Sikandar Sultan Raja

Politics Nov22 2022

Comments are closed on this story.

تبصرے

تبولا

Taboola ads will show in this div