وزیرخارجہ بلاول بھٹو زرداری سے امریکی وزارت خارجہ کے عہدیدار ڈیرک شولے نے ملاقات کرکے پشاور دھماکے پر افسوس کا اظہار کیا ہے۔

واشنگٹن میں پاکستانی سفارت خانے میں ہونے والی ملاقات میں ڈیرک شولے نے پشاور مسجد میں خودکش حملے سے جانوں کے نقصان پر تعزیت کا اظہار کیا۔

ملاقات میں پاکستان میں اقتصادی ترقی اور سیلاب متاثرین کی بحالی پر گفتگو اور موسمیاتی بحران سے نمٹنے کے عزم کا اعادہ کیا گیا۔

ڈیرک شولے نے کہا کہ امریکا انسداد دہشت گردی کی کوششوں میں پاکستان کے ساتھ کھڑا ہے۔