وفاقی حکومت نے عید الفطر کے موقع پر ملک بھر میں پانچ روز کی عام تعطیل کا اعلان کردیا۔

ملک میں عید الفطر کی تعطیلات کا آغاز 21 اپریل بروز جمعے سے 25 اپریل بروز منگل تک ہوگا۔ وزارت داخلہ کی جانب سے عید تعطیلات کا نوٹی فکیشن بھی جاری کردیا گیا۔

واضح رہے کہ رواں سال ملک میں رمضان المبارک کے پورے تیس روزے ہونے کا امکان ہے کیونکہ ماہرین فلکیات اور رویت ہلال ریسرچ کونسل نے ماہ شوال کا چاند 21 اپریل کی شام نظر آنے کی پیش گوئی کی ہے۔

رویت ہلال ریسرچ کونسل کے سیکریٹری جنرل خالد اعجاز مفتی نے بتایا تھا کہ جمعرات 20 اپریل کی شام عید کا چاند نظر آنے کا امکان نہیں ہے، عید الفطر 30 روزے مکمل ہونے کے بعد ہفتہ 22 اپریل 2023ء کو متوقع ہے۔