کراچی کے علاقے کورنگی سیکٹر 35 اے میں شہری نے کمال بہادری سے ڈکیتی کی کوشش ناکام بنا دی۔

کورنگی کے رہائشی شہری اپنی گاڑی میں آئے اور رہائش گاہ کے سامنے کچھ دیر کے لئے رکے۔ اتنے میں تعاقب کرتے دو ڈاکو بھی موٹر سائیکل پر آگئے۔

کار سوار شہری نے حاضر دماغی سے کام لیا اور گن لوڈ کرکے ملزمان پر فائر کھول دیا۔ جس کے بعد ڈکیتی کرنے والے افراد حواس باختہ ہوکر فرار ہوگئے اور جاتے جاتے اپنی چپل بھی چھوڑ گئے۔

واقعہ کے بعد آبادی کے لوگ بھی جمع ہوگئے، سی سی ٹی وی فوٹیج میں شہری کی بہادری کو دیکھا جاسکتا ہے کہ شہری نے ڈاکوؤں پر فائرنگ شروع کی تو ملزمان فرار ہوگئے۔