ملکی ائرپورٹس کی آؤٹ سورسنگ کے معاملے پر سول ایوی ایشن ملازمین نے قلم چھوڑ ہڑتال کی کال کے بعد جہازوں کا پہیہ جام کرنے کی دھمکی دے دی۔

یکم اگست کو اسلام آباد ائرپورٹ پر قلم چھوڑ ہڑتال ہوگی، 8 اگست کو لاہور جبکہ 17 اگست کو کراچی میں کام بند کردیا جائے گا۔

قلم چھوڑ ہڑتال کی کال اکاٸی یونین اور جیکا یونین نے دی۔

ملکی ائرپورٹس پر آؤٹ سورسنگ کے خلاف کئی روز سے مسلسل احتجاج کئے جا رہے ہیں۔

لاہور ائرپورٹ پر سی اے اے کے آفیسرز اور اسٹاف کالی پٹیاں باندھ کر احتجاج کررہے ہیں۔

اٸر پورٹ پر آؤٹ سورسنگ کے خلاف بینرز آویزاں کردیے گئے ہیں۔

چٸیرمین اکاٸی یونین ایاز بٹ کا کہنا ہے کہ کسی صورت بھی اٸر پورٹس کو آؤٹ سورس نہیں ہونے دیں گے۔ سالانہ اربوں روپے کمانے والے منافع بخش ادارے کی بندر بانٹ قبول نہیں۔

ان کا کہنا تھا کہ حساس ادارے کی آؤٹ سورسنگ ملکی سلامتی اور دفاع کے لٸے بھی خطرناک ہے۔

سول ایوی ایشن یونینز نے قلم چھوڑ کے بعد جہازوں کا پہیہ جام کرنے کی بھی دھمکی دے دی ہے۔