شاہ رخ خان کی فلم ”جوان“ کے ڈائیلاگز لکھنے والے سمیت اروڑہ نے انکشاف کیا ہے کہ فلم میں مداحوں کی پسندیدہ ’عالیہ بھٹ‘ والی لائن شاہ رخ کا آئیڈیا تھا۔

ایک انٹرویو کے دوران سمیت سے ”عالیہ بھٹ“ والی لائن کے بارے میں پوچھا گیا، جو فلم کے ابتدائی حصے میں ٹرین ڈکیتی کے دوران شاہ رخ خان نے کہی تھی۔

فلم میں پولیس کے ساتھ مذاکرات کے دوران فون پر پوچھے جانے پر کہ ان کے مطالبات کیا ہیں، شاہ رخ خان کہتے ہیں، ’چاہیے تو عالیہ بھٹ‘۔

مزید پڑھیں: شاہ رخ خان کی ہٹ فلم ’جوان‘ بھی چوری کی نکلی؟

سمیت نے کہا کہ، ’سچ کہوں تو عالیہ بھٹ والی لائن کے بارے میں تھوڑا سا خوف زدہ تھا ، لیکن شاہ رخ خان صاحب نے زور دیا کہ نہیں، یہ اچھا ہے، اسے رکھو‘۔

سمیت کا کہنا تھا کہ ان کے اصرار پر ہی ہم نے عالیہ بھٹ والی لائن شوٹ کی اور مجھے خوشی ہے کہ سب نے اسے پسند کیا۔ میں نے لوگوں کو اس لائن پر ہنستے ہوئے دیکھا ہے، میں مختلف تھیٹرز میں گیا ہوں، میں نے لوگوں کو قہقہے لگاتے دیکھا ہے۔’