Aaj News

پیر, جولائ 15, 2024  
08 Muharram 1446  

خلیج تعاون کونسل کے ساتھ آزادانہ تجارت کا معاہدہ طے پاگیا

معاہدے کیلئےسعودی عرب نے اہم کردار ادا کیا، گوہر اعجاز
شائع 04 اکتوبر 2023 10:10pm
اسکرین گریب: پی ٹی وی
اسکرین گریب: پی ٹی وی

وفاقی وزیر برائے تجارت گوہر اعجاز کا کہنا ہے کہ خلیج تعاون کونسل کے ساتھ آزادانہ تجارت کا معاہدہ طے پاگیا ہے، جی سی سی نے 14 سال بعد پاکستان کے ساتھ معاہدہ کیا ہے۔

وفاقی وزراء گوہر اعجاز، سرفراز بگٹی اور محمد علی نے خصوصی سرمایہ کاری سہولت کونسل کے اجلاس کے حوالے سے میڈیا کو بریفنگ دی۔

میڈیا سے بات کرتے ہوئے گوہر اعجاز نے کہا کہ معاہدے کیلئےسعودی عرب نے اہم کردار ادا کیا ہے۔

انہوں نے بتایا کہ صنعتوں کو سردیوں میں توانائی کی فراہمی کیلئے بھی اقدامات کیے گئے ہیں۔

ان کا کہنا تھا کہ افغان ٹرانزٹ ٹریڈ معاہدے میں قانون کے مطابق بہترئی لائی گئی ہے، ہمارے اوورسیز پاکستانیوں کا پیسہ افغان ٹرانزٹ ٹریڈ کیلئے استعمال ہوتا رہا، اوورسیز پاکستانیوں کا بھیجا گیا پیسہ غیرقانونی طریقے سے باہر منتقل ہورہا تھا، حکومتی اقدامات سے اب ڈالر کی غیرقانونی منتقلی رُک گئی ہے۔

گوہر اعجاز نے کہا کہ امید ہے رواں سال فصلوں کی ریکارڈ پیدوار حاصل ہوگی۔

وزیرتوانائی محمد علی کا کہنا تھا کہ بجلی چوری روکنے کیلئے اقدامات جاری ہیں اور جاری رہیں گے۔

ان کا کہنا تھا کہ سردیوں میں گیس لوڈشیڈنگ پر قابو پانے کیلئے اقدامات کررہے ہیں، رواں سال دسمبر تک گیس کی کمی کا مسئلہ بہت حد تک حل ہوجائے گا۔

وزیر داخہلہ سرفراز بگٹی نے کہا کہ چمن بارڈر پر فائرنگ کے واقعے کی مذمت کرتا ہوں، پاکستانی فورسز کی جانب سے واقعے پر صبروتحمل کا مظاہرہ کیاگیا، صبروتحمل کی وجہ وہاں پر موجود سویلین تھے۔

نگراں وزیرداخلہ نے کہا کہ گزشتہ روز سیکیورٹی فورسز نے 10 دہشت گردوں کو ہلاک کیا، ملک سے دہشت گردی کے ناسور کا مکمل خاتمہ کیا جائے گا۔

gohar ejaz

muhammad ali

sarfaraz bugti

Gulf Cooperation Council (GCC)

Free Trade Agreement