Aaj News

اسرائیل اور فلسطین کی موجودہ کشیدگی، ’دونوں اطراف کے معصوم انسانوں کے ساتھ کھڑی ہوں‘

جو بھی انسانی حقوق کی خلاف ورزی کررہا ہے میں اس کی مذمت کرتی ہوں، جمائمہ گولڈ اسمتھ
شائع 09 اکتوبر 2023 11:03pm

فلم پروڈیوسر اور چیئرمین پی ٹی آئی کی سابق اہلیہ جمائمہ گولڈ اسمتھ نے اسرائیل اور فلسطین کے درمیان موجودہ کشیدگی کے دوران انسانیت کے ساتھ کھڑے ہونے کا اعلان کیا ہے۔

حماس اور اسرائیل کے درمیان حالیہ کشیدگی میں اضافے سے دونوں فریقوں کو تباہ کن نقصان اٹھانا پڑا ہے۔

فلسطین میں برسوں سے جاری اسرائیلی مظالم کے جواب میں حماس نے حملے کا آغاز راکٹ فائر اور اسرائیلی سرحد کے اندر داخل ہوکر یہودیوں کے خلاف جدوجہد کرنے سے کیا۔

ایسے میں جمائمہ گولڈ اسمتھ نے اپنے ایکس اکاؤنٹ (سابقہ ٹوئٹر) پر لکھا کہ ’میں اس تنازعہ کے دونوں اطراف کے معصوم انسانوں کے ساتھ کھڑی ہوں۔‘

اپنے مختصر لیکن بامعنی ٹوئٹ میں جمائمہ نے جو لکھا ’دونوں کی مذمت‘ اس کے معنی یہی بنتے ہیں کہ اسرائیلی افواج یا فلسطین کے گروہ میں سے جو بھی انسانی حقوق کی خلاف ورزی کررہا ہے میں اس کی مذمت کرتی ہوں۔

یہ بھی پڑھیں :

قسام بریگیڈ نے یرغمال اسرائیلیوں کے قتل کی دھمکی دے دی

فلسطین جنگ شدت اختیار کرگئی، اسرائیل کا لبنان پر حملہ

حماس اور اسرائیل کے درمیان قیدیوں کے فوری تبادلے کیلئے قطر میدان میں آگیا

واضح رہے کہ جمائمہ نے اپنے بیان میں کسی ملک کی طرف جھکاؤ کے بجائے انسانیت کے ساتھ کھڑے رہنے کو ترجیح دی ہے۔

Palestinian Israeli Conflict

Hamas Israel attack 2023

Israeli Air Strike

Comments are closed on this story.

تبصرے

تبولا

Taboola ads will show in this div