فرانس کی حکومت نے تیونس سے تعلق رکھنے والے ایک پیش امام کو قومی پرچم کی توہین پر ملک بدر کردیا۔

امام محجوب المحجوبی نے فرانس کے پرچم پر حکومت کے خلاف چند ریمارکس لکھے تھے۔

فرانس کے وزیر داخلہ جیرالڈ ڈارمانن نے کہا ہے کہ ایسی کسی بھی حرکت کو کسی بھی صورت برداشت نہیں کیا جاسکتا۔

امام محجوب المحجوبی نے ایک بیان میں کہا ہے کہ وہ ملک بدری کے اقدام کے خلاف اپیل کریں گے۔ ان کا دعویٰ ہے کہ انہوں نے کوئی جرم نہیں کیا اور یہ کہ ان کے ریمارکس کو غلط رنگ دے کر پیش کیا جارہا ہے۔

ایک وڈیو بھی وائرل ہوئی ہے جس میں دیکھا جاسکتا ہے کہ امام محجوب المحجوبی نے فرانسیسی پرچم کو شیطانی قرار دیا ہے۔