گاڑی چوری کے الزام میں گرفتار ایس ایچ او اور ان کے سرکاری ڈرائیور کو جوڈیشل مجسٹریٹ کی عدالت میں پیش کر دیا معزز عدالت نے دونوں کو دو روزہ جوڈیشل ریمانڈ پر پولیس کے حوالے کر دیا ۔

پولیس کے مطابق سول لائن پولیس نے چوری کے الزام میں گرفتار ایس ایچ او ملک آصف اور اس کے سرکاری ڈرائیور کو جوڈیشل مجسٹریٹ 10 کی عدالت میں پیش کر دیا گیا ۔

پولیس کی ریمانڈ حاصل کرنے کی استدعا پر معزز عدالت کے جج نے دونوں ملزمان کو دو روزہ ریمانڈ پر پولیس کے حوالے کر دیا ۔

واضح رہے کہ دونوں اہلکاروں کو بدھ کے روز ایک شہری کی چوری شدہ گاڑی کار پارکنگ سے برآمد ہونے پر کار پارکنگ کے مالک کی نشاندہی پر دونوں پولیس اہلکاروں کو گرفتار کر لیا تھا اور پہلے سے گاڑی چوری ہونے کے درج ایف آئی آر میں دونوں کے نام بھی شامل کر دیئے گئے تھے ۔