پاکستان نے کویت کو فائنل میں 43 رنز سے شکست دے کر ہانگ کانگ سکسز 2025 کا ٹائٹل چھٹی بار اپنے نام کر لیا۔ فائنل میں قومی ٹیم نے کویت کو 43 رنز سے شکست دے کر ٹرافی اپنے نام کر لی۔ کپتان عباس آفریدی نے صرف 11 گیندوں پر 7 چھکوں کی مدد سے 52 رنز کی جارحانہ اننگز کھیلی۔

پاکستان نے ہانگ کانگ سکسز کے فائنل میں شاندار فتح حاصل کرتے ہوئے ایک بار پھر ایونٹ کی تاریخ میں اپنا لوہا منوا دیا۔ فائنل میں کویت کے خلاف پہلے بیٹنگ کرتے ہوئے پاکستانی ٹیم نے تین وکٹوں کے نقصان پر 135 رنز بنائے۔

جنوبی افریقا کو 7 وکٹوں سے شکست: پاکستان نے پہلی بار ہوم ون ڈے سیریز اپنے نام کرلی 780 85

کپتان عباس آفریدی نے دھواں دار بیٹنگ کرتے ہوئے صرف 11 گیندوں پر 52 رنز بنائے، جن میں 7 بلند و بالا چھکے شامل تھے۔ ان کے ساتھ دیگر بلے بازوں نے بھی تیز رفتار انداز میں رنز جوڑے اور کویت کو ایک بڑا ہدف دے دیا۔

ہدف کے تعاقب میں کویت کی ٹیم نے اچھی شروعات کی مگر پاکستانی بولرز کے سامنے زیادہ دیر نہ ٹھہر سکی اور 92 رنز پر ہی ڈھیر ہوگئی۔ معاذ صداقت نے شاندار بولنگ کا مظاہرہ کرتے ہوئے 3 کھلاڑیوں کو آؤٹ کیا۔

پاکستان نے اس کامیابی کے ساتھ ہانگ کانگ سکسز کا ریکارڈ چھٹی بار ٹائٹل اپنے نام کر لیا، جو کسی بھی ٹیم کی سب سے زیادہ فتوحات ہیں۔