وزیراعظم سکھرملتان موٹروےکاسنگ بنیاد رکھنےآج سکھرپہنچیں گے

اپ ڈیٹ 06 مئ 2016 10:42am
سکھر ملتان موٹر وے، پاک چائنا اکنامک کوریڈور کا حصہ ہے - فائل فوٹو سکھر ملتان موٹر وے، پاک چائنا اکنامک کوریڈور کا حصہ ہے - فائل فوٹو

اسلام آباد:وزیراعظم نوازشریف سکھر ملتان موٹروے کا سنگ بنیاد رکھنے کیلئے آج سکھر پہنچیں گے۔

سکھر ملتان موٹر وے، پاک چائنا اکنامک کوریڈور کا حصہ ہے، تقریب کیلئے روہڑی کے قریب پنڈال سجا دیا گیا۔

وزیراعظم منصوبے کا سنگ بنیاد جمعے کو گیارہ بجے رکھیں گے۔

پنڈال میں دوہزار سے زائد مہمانوں کے لئے انتظامات کیے گئے  ہیں۔

شرکا کو گرمی سے بچانے کیلئے آٹھ بڑے بڑے ائیرکنڈیشن پلانٹ نصب کیے جاچکے ہیں۔

سیکیورٹی کے بھی فول پروف  انتظامات ہیں، ڈھائی ہزار سے زیادہ پولیس اور سیکیورٹی اہلکاروں کی ڈیوٹیز لگائی جارہی ہیں۔