اکثر دفتر جاتے ہوئے یا کسی اہم تقریب میں جاتے ہوئے آپ کی گاڑی ضرور آپ کو دھوکا دے دیتی ہے اور آخری وقت پر آپ کی گاڑی اسٹارٹ نہیں ہوتی یا پھر بیچ راستے میں خراب ہوجاتی ہے۔

ایسی صورتحال سے نمٹنے کے لیے آپ کو چند چیزوں کا خیال رکھنا چاہیئے تاکہ آخری وقت پر گاڑی بند ہوجانے پر آپ پریشانی کا شکار ہونے کے بجائے گاڑی کو ٹھیک کرکے اپنی منزل مقصود پر پہنچ جائیں۔

:درج ذیل چند اشیاء کے بارے میں بیان کیا جارہا ہے جن کو گاڑی میں رکھنا آپ کےلئے بہت ضروری ہے۔ وہ کون سی اشیاء ہیں، آئیے جانتے ہیں

٭ فرسٹ ایڈ باکس

اپنی گاڑی میں فرسٹ ایڈ کا باکس لازمی رکھیں۔ اس بات کا خیال رکھیں کہ باکس میں مرہم پٹی کا سامان لازمی موجود ہو۔ اس کے علاوہ باکس میں ہینڈ سینی ٹائیزر کو بھی ضرور رکھیں۔

٭ پانی کی بوتلیں

پانی کی بوتل کو بھی گاڑی میں ضرور رکھیں لیکن اس بات کا خیال رکھیں کہ پانی کی بوتل خالی نہیں ہو، بوتل کو ہمیشہ بھر کر گاڑی کے اندر رکھیں۔

٭ ٹارچ لائٹ

گاڑی کے اندر ٹارچ لائٹ کو لازمی رکھیں تاکہ رات میں کبھی آپ کی گاڑی خراب ہوجائے تو ٹارچ لائٹ آپ کے پاس موجود ہو اور آپ اندھیرے میں بھی باآسانی اپنی گاڑی ٹھیک کرلیں۔

٭ گرم کپڑے

اگر آپ ملک کے ٹھنڈے علاقے میں رہتے ہیں تو کوشش کریں کہ سردی کے موسم میں گرم کپڑے اپنی گاڑی میں ضرور رکھیں تاکہ جب کبھی سردی  کے موسم میں آپ کی گاڑی کہیں خراب ہوجائے تو آپ ٹھنڈ سے بچ جائیں۔

٭ کھانے کی اشیاء

کوشش کریں کہ اپنی گاڑی میں کھانے کی اشیاء بھی ضرور رکھیں۔ اگر کبھی بچوں کی موجودگی میں گاڑی خراب ہوجائے اور بھوک لگنے کی صورت میں کھانے کی اشیاء گاڑی میں موجود ہوں۔

٭ ایکسٹرا ٹائر

گاڑی کے اندر ایک ٹائر اسپیئر میں ضرور رکھیں تاکہ جب کبھی ٹائر بیچ راستے میں پنچر ہوجائے تو آپ کو مشکل  کا سامنا نہیں ہو۔

٭ ٹول کٹ

اپنی گاڑی میں ٹول کٹ کو بھی ضرور رکھیں۔ گاڑی پیٹرول اسٹیشن سے دور بند ہوجائے تو آپ اس کو خود ہی ٹھیک کرلیں۔ ٹول کٹ میں اسکرو ڈرائیور، ٹائر گیج  اور پاکٹ نائف وغیرہ رکھیں۔

نوٹ: یہ مضمون محض عام معلومات کےلیے ہے۔