کچھ نئی چیزوں کے ساتھ اکثر ببل ریپ ضرور آتا ہے اور لوگوں کو ببل ریپ میں موجود ببلز کو پھوڑنے میں بہت مزہ آتا ہے یا یہ کہہ سکتے ہیں کہ الگ سی خوشی محسوس ہوتی ہے۔

ببل ریپ کو پھوڑنے میں لوگوں کو اتنی خوشی یا تسلی بخش سا کیوں محسوس ہوتا ہے؟

ماہرین کے مطابق جب انسان اپنے ہاتھوں کومختلف  کاموں میں مصروف رکھتا ہے تو اس عمل سے انسان کو دماغی سکون فراہم ہوتا ہے۔ اب چاہے وہ ببل ریپ کے ببلز پھوڑنے والا کام ہو یا پھر سوئی سے کپڑے سینے کا کام ہو۔

ماہرین کا یہ بھی کہنا ہے کہ سوئی سے ہونےوالے کام جیسے سلائی اور کڑھائی کرنے سے دماغ کو بہت سکون ملتا ہے۔ اسی طرح ببل ریپ سے بھی آپ کے دماغ کو بہت سکون ملتا ہے۔

ماہرین نے یہ بھی واضح کیا کہ ذہنی دباؤ کے شکار افراد اگر ببل ریپ کو پھوڑیں تو اس سے ان کےمزاج میں تبدیلی رونما ہوتی ہے اور ان کو ذہنی سکون ملنا شروع ہوجاتا ہے۔

اس کے علاوہ شدید ٹینشن میں بھی اگر آپ ببل ریپ پھوڑیں تو اس سے آپ کی ٹینشن میں کمی آئے گی اور آپ اچھا محسوس کریں گے۔

اکثر لوگ ببل ریپ کو لےکر لڑتے بھی ہیں کہ اس کو ہم پھوڑیں گے۔ اس بات میں کوئی شک نہیں ہے کہ ببل ریپ ہر عمر کے شخص کو پسند ہوتے ہیں اور لوگ اس کو پھوڑنے میں بےحد خوشی محسوس کرتے ہیں۔