شیشے کے برتن دیکھنے میں بہت خوبصورت نظر آتے ہیں ،یہی وجہ ہے کہ لوگوں کی بڑی تعداد شیشے کے برتن خریدنے کوزیادہ ترجیح دیتی ہے۔ اس کے ساتھ ساتھ ان کو استعمال کرنے میں بھی خیال برتنے ہیں، کیونکہ اگر ان  برتنوں میں سے کوئی ایک برتن بھی ٹوٹ جائے تو آپ کا سارا سیٹ خراب ہوجاتا ہے۔

ٹوٹنے کے علاوہ اگر یہ برتن چٹخ بھی جائیں تو بھی  استعمال کے لائک نہیں رہتے ۔ چونکہ ٹوٹنے کے بعد برتن کھاناکھانے کے قابل نہیں رہتے اوراسی لئے لوگ ڈر کی وجہ سے ان برتنوں کو سنبھال کر رکھتے ہیں کہ کہیں ٹوٹ نہ جائیں۔

کچھ لوگ تو شیشے کے برتنوں کو بس خاص مواقعوں پر ہی نکالتے ہیں کہ کہیں روز روز کے استعمال سے یہ برتن خراب نہ ہو جائیں۔

لیکن آج ہم آپ کو چند ایسے ٹوٹکے بتائیں گے جن سے آپ کے برتن ٹوٹنے اور چٹخنے سے  محفوظ رہیں گے۔

٭ اگر کبھی شیشے کے برتن میں یا تھرماس میں کوئی گرم چیز ڈال دی جائے توچٹخ جاتے ہیں لیکن اگر آپ شیشے کے برتن میں گرم دودھ یا چائے ڈالنے سے پہلے کپ میں چمچہ ڈال دیا جائے توشیشے کے برتن چٹخنے سے با لکل محفوظ رہیں گے۔

ا کپ میں چمچہ ڈالنے سے گرم دودھ یا چائے کا درجہ حرارت براہ راست شیشے کے برتن پر نہیں پڑے گا اور یوں آپ کا شیشے کا کپ چٹخنے سے بالکل محفوظ رہے گا۔

٭ کبھی بھی شیشے کے برتن میں ایک ساتھ ساری چیزیں نہیں ڈالیں، تھوڑی تھوڑی کرکے چیزیں ڈالیں ۔ جیسے پہلے دودھ ڈالیں، پھر کچھ سیکنڈ بعد کہوہ ڈالیں۔ اس سے بھی برتن ٹوٹنے اور چٹخنے سے بالکل محفوظ رہتا ہے۔

یہ چند چھوٹی چھوٹی باتوں کا اگر خیال رکھا جائے تو گھر کے قیمتی برتن ٹوٹنے اور چٹخنے سے بچے رہیں گے ۔

لیکن جو بھی ہے، ان تمام چھوٹی چھوٹی باتوں کا اگر خیال رکھ جائے تو آپ کے گھر کے سارے برتن ایک جیسی نئی حالت میں رہیں گے اور آپ ان برتنوں کو روزمرہ استعمال بھی کرسکتے ہیں وہ بھی بغیر ٹوٹنے کے ڈر سے۔

نوٹ: یہ مضمون محض عام معلومات کے لئے ہے۔