چیزوں کو خراب ہونے سے بچانے کےلئے کچھ لوگ انہیں فریج میں رکھ دیتے ہیں جوکہ ایک ٹھیک عمل ہے۔

زیادہ تر لوگ پھل ، سبزیوں اور ڈیری چیزوں کو فریج میں رکھنے کو ترجیح دیتے ہیں اور ان کا خیال ہوتا ہے کہ خشک چیزوں کو فریج میں رکھنے کی ضرورت نہیں ، ان کو کہیں بھی رکھیں گے تو وہ خراب نہیں ہوں گی۔

جس طرح کھانوں کی چیزوں کو فریج میں نہ رکھا جائے تو وہ خراب ہوسکتے ہیں اسی طرح کچھ میک اپ پروڈکٹس بھی ایسے ہوتے ہیں جن کو فریج میں رکھا جائے تو وہ خراب ہونے سے بچے رہتے ہیں ۔

آج ہم آپ کو ان اشیاء کے بارے میں بتائیں گے جنہیں خراب ہونے سے بچانے کیلئے  فریج میں رکھنا لازمی ہوتا ہے ، اگر آپ ان کو کچن کیبنٹ میں رکھیں گے تو ان کے خراب ہونے کا اندیشہ رہتا ہے۔

٭ خشک میوہ جات

اگر آپ خشک میوہ جات کو سارا سال تازہ کھانا چاہتے ہیں تو انہیں فریج میں رکھیں ، اس سے میوہ جات 6 مہینے تک تازہ رہیں گے۔

٭ سیب

سیب کو دیر تک تازہ رکھنے کےلئے آپ انہیں فریج میں رکھ سکتے ہیں ۔ فریج کے باہر رکھنے سے سیب پر فروٹ فلائی آجاتے ہیں اور سیب خراب ہونے لگتے ہیں۔

٭ ادرک

اگر آپ ادرک کو بغیر چھیلے پیپر ٹاولاور پلاسٹک میں لپیٹ کر  رکھ دیں تو اس سے ادرک 3 ہفتوں تک تازہ رہے گی۔

٭ پھول

اگر آپ پھولوں کے گلدستے کو 24 گھنٹے تک فریش رکھنا چاہتے ہیں تواس کو فریج میں رکھ دیں۔

٭ کیچپ

کیچپ چاہے بازار سے لایا گیا ہو یا پھر گھر میں بنایا گیا فریج میں اسٹور کرنے سے یہ 6 مہینے تک ذائقہ دار اور فریش رہتا ہے۔

٭ نیل پالش

کھانوں کے علاوہ آپ میک اپ پروڈکٹس کو بھی فریج میں اسٹور کرسکتے ہیں۔ نیل پالش فریج میں رکھنے سے اس کا رنگ برقرار رہتا ہے اور یہ خراب ہونے سے بھی محفوظ رہے گی۔