ممبئی:شوبز کی دنیا وہ نگری ہے جہاں ایک   پل میں رشتے بنتے ہیں اور دوسرے ہی پل ٹوٹ بھی جاتے ہیں ،مثلاًبولی وڈ کے سلطان سلمان خان  کا مختلف  اداکاراؤں  جیسے سنگیتا بجلانی،کترینہ کیف سومی علی اور سنجے دت کا مادھوری ڈکشٹ کے ساتھ تعلق،یہ وہ تعلقات تھے جو کبھی انجام کو نہیں پہنچے۔

یہاں چند ایسے ہی رشتوں کے بارے میں تفصیلات پیش کی جارہی ہیں  جن کی مدت انتہائی کم تھی اور جو اپنے انجام تک پہنچنے سے پہلے ہی اپنے اختتام تک پہنچ گئے۔

اکشے کمار،پوجابترا

بھارتی فلم انڈسٹری میں ایکشن ہیرو  اور کھلاڑی کمار کے نام سے مشہور اکشے کمار کا نام ماضی میں بہت سی اداکاراؤں کے ساتھ لیا جاتا رہا ہے جن میں شلپا شیٹھی، روینہ ٹنڈن شامل ہیں لیکن شاید آپ کو معلوم نہ ہو بولی وڈ کی ناکام اداکارہ پوجا بترا بھی اس فہرست میں شامل تھیں ،بھارتی ویب سائٹ کے مطابق پوجا بترا  اکشے کمار کی شاندار اور پرکشش شخصیت کے سحر میں مبتلا ہو چکی تھیں ،لیکن دونوں کا ساتھ زیادہ دیر تک قائم نہ رہ سکا۔

کرشمہ کپور،ابھیشیک بچن

ایشوریا رائے سے شادی کرنے سے پہلے امیتابھ بچن کے صاحبزادے ابھیشیک بچن  اور معروف اداکارہ کرشمہ کپور کے درمیان تعلقات کی خبریں میڈیا   کی توجہ کا مرکز بنی ہوئی تھیں ،یہ رشتہ اتنا آگے بڑھ چکا تھا کہ امیتابھ بچن نے 2002 میں دونوں کی منگنی کا اعلان بھی کردیا تھا ،پھر اچانک نجانے کیا ہوا  دونوں اداکاروں کی علیحدگی کی خبریں  میڈیا کی زینت بن گئیں ،لیکن اس علیحدگی کی وجہ آج تک معلوم نہ ہو سکی۔

رانی مکھر جی،گووندا

نوے کی دہائی میں بولی وڈ میں رانی مکھر جی اور گووندا  اسکرین پر چھائے ہوئے تھے دونوں نے ایک ساتھ کئی ہٹ فلموں میں کام کیا  ،دونوں اداکاروں کے درمیان رشتہ دوستی سے کچھ  بڑھ کر تھا ،بعدازاں اس تعلق کی خبر گووندا کی بیوی سنیتا کو ہونے کے بعد  گووندا نے رانی مکھرجی سے علیحدگی اختیار کرلی ۔

سنجے دت،مادھوری ڈکشٹ

اسی کی دہائی میں سنجے دت اور مادھوری ڈکشٹ کے درمیان تعلقات کی خبریں  میڈیاکی ہیڈلائن بنتی تھیں ،دونوں کے بارے میں یہ افواہ بھی گردش کرہی تھی کہ جلد ہی دونوں اداکار  شادی کے بندھن میں بندھ جائیں گے،لیکن اس  تعلق کا خاتمہ اس وقت ہو گیا جب سنجے دت  کا نام  1993 میں ہونے والے ممبئی بم دھماکوں میں سامنے آیا۔

بپاشا باسو،جان ابراہم

جان ابراہم اور  بپاشا باسو  کے درمیان رشتہ  کافی طویل عرصے تک قائم رہا  ،دونوں نے  عوامی مقامات پر ایک دوسرے کیلئے محبت   کا اظہار بھی کیا ،تاہم   نامعلوم وجوہات کی بناء پر دونوں نے ایک دوسرے سے علیحدگی اختیار کرلی اور اب کسی اور کے ساتھ شادی کرکے ہنسی خوشی زندگی گزار رہے ہیں۔

سلمان خان،اشوریا رائے

سلمان ،ایشوریا کی محبت پر مبنی کہانی اب تک کی سب سے زیادہ خبروں میں رہنے والی کہانی ہے ،دونوں اداکار ایک دوسرے سے بے انتہا محبت کرتے تھے ،لیکن سلمان کا ایشوریا کیلئے  جنون ان کے رشتے  کے خاتمے کا سبب بنا ۔

شاہد کپور، کرینہ کپور خان

شاہد کپور اور کرینہ کپور  کی جوڑی بولی وڈ کی  سب سے خوبصورت جوڑی مانی جاتی تھی لوگوں کا خیال تھا دونوں جلد ہی شادی کرلیں گے ،دونوں کے درمیان محبت بھی بہت تھی ،لیکن اچانک سب کچھ ختم ہو گیا اور آج دونوں ایک دوسرے کی شکل دیکھنا بھی گوارا نہیں کرتے۔

رنبیر کپور،کترینہ کیف

رنبیر کپور ،کترینہ کیف کا رشتہ بھی   اپنی منزل پر پہنچنے سے پہلے اختتام کو پہنچ گیا ،دونوں ایک دوسرے سےمحبت کرنے کے علاوہ ایک ساتھ بھی رہ رہے تھے لیکن   پھر دونوں کی راہیں جدا ہوگئیں۔

ساجد خان،گوہر خان

ہمیں یقین ہے کہ بگ باس  کی فاتح گوہر خان  اور معروف ہدایت کار ساجد خان کے درمیان تعلقات کی خبر آپ کو  نہیں ہوگی لیکن یہ سچ ہے کہ دونوں ایک دوسرے کے ساتھ منگنی بھی کر چکے تھے ،لیکن یہ منگنی شادی تک پہنچنے سے پہلے ختم ہوگئی ،دونوں کے درمیان  تعلقات ختم ہونے کی وجہ   پروفیشنل   معاملات پر اختلافات  بتائی جاتی ہے۔

بشکریہ:بولی وڈ ببل ڈاٹ کام