دسکہ:ڈسکہ میں سی ٹی ڈی نے کارروائی کرتے ہوئے کالعدم تنظیم جیش محمد کا دفتر سیل کر دیا۔ مدرسے سے ممنوعہ لٹریچر اور کمپیوٹر بھی قبضے میں لے لیا گیا۔

سیالکوٹ کی تحصیل ڈسکہ میں سی ٹی ڈی نے کارروائی کرتے ہوئے کالعدم جیش محمد کا دفتر سیل کر کے تیرہ افراد کو حراست میں لے لیا۔ کارروائی کے دوران سی ٹی ڈی نے دو موٹر سائیکل، ممنوعہ لٹریچر اور کمپیوٹر بھی قبضے میں لے لیا جبکہ زیر حراست افراد کو تفتیش کے لیے نامعلوم مقام پر منتقل کر دیا گیا ہے۔