خوبصورتی کے لئے پلاسٹک سرجری کا سہارا لینے والی پاکستانی اداکارائیں
آپ نے اکثر بھارتی اداکاراؤں کی پلاسٹک سرجری کے بارے میں سنا ہوگا کہ اس اداکارا نے سرجری کروالی یا اس اداکارا نے سرجری کروالی لیکن کیا آپ جانتے ہیں پاکستانی اداکارائیں بھی اس معاملے میں کسی طرح بھارتی اداکاراؤں سے پیچھے نہیں انہوں نے بھی خوبصورتی حاصل کرنے کیلئے پلاسٹک سرجریز کروا رکھی ہیں۔ آج ہم آپ کو انہی پاکستانی اداکاراؤں کے بارے میں بتانے جارہے ہیں جنہوں نے خوبصورتی حاصل کرنے کے لئے پلاسٹک سرجریز کا سہارا لیا۔ مشی خان مشی خان نے اپنی بڑھتی عمر اور چہرے پر پڑنے والی جھریوں کو مدنظر رکھتے ہوئے پلاسٹک سرجری کروانے کا فیصلہ کیا اور سرجری کروا کر جھریوں سے چھٹکارا حاصل کرلیا۔ سدرہ بتول سدرہ بتول ان سلیبریٹیز میں شامل ہیں جنہیں ان کے چہرے کی معصومیت کے باعث مداحوں کی جانب سے بے حد پسند کیا جاتا ہے تاہم سرجری کے بعد ان کے نئے لُک نے کافی مداحوں کو چونکا دیا ہے۔ حمیمہ ملک حمیمہ ملک پاکستانی فلم "خدا کے لئے" میں ایک سادہ لڑکی کا کردار نبھا کر بے حد مقبول ہوئیں۔ جس کے بعد انہوں نے بولی وڈ میں بھی عمران ہاشمی کے ساتھ ایک فلم میں کام کیا۔ تاہم اس فلم میں وہ بالکل مختلف انداز میں نظر آئیں ان کے ہونٹ بھرے بھرے اور کچھ بڑے دکھائی دیئے جس سے اس بات کا اندازہ لگایا جاسکتا ہے کہ انہوں نے بھی اپنے ہونٹوں کی چھوٹی موٹی سرجری کروائی ہے۔ سعدیہ امام ان اداکاراؤں میں سے ہیں جنہوں نے اپنے اندر بہت آہستہ آہستہ تبدیلی کی۔ وہ اپنے کریئر کے آغاز میں جیسی نظر آتی تھیں اب اس سے کافی مختلف ہوگئی ہیں۔ نادیہ حسین نادیہ حسین نے گزرتے وقت کے ساتھ اپنے اندر بے شمار تبدیلیاں کی ہیں۔ انہوں نے ایک کاسمیٹک سرجری کروائی جس کی وجہ سے گالوں کی ہڈی، ناک اور ہونٹوں میں تبدیلی آئی۔ انہوں نے بھی پرفیکٹ لُک حاصل کرنے کے لئے سرجری کروانے میں عافیت جانی۔ فزا علی فزا علی اپنے بارے میں کہتی ہیں کہ میں نے کسی پلاسٹک سرجری کا سہارا نہیں لیا لیکن وہ ٹیلی ویژن کی دنیا سے کافی وقت کے لئے غائب ہوگئی تھیں جس کی وجہ یہ بتائی جاتی ہے کہ ان کی سرجری غلط ہوگئی تھی۔ بعد ازاں جب سب ٹھیک ہوگیا تو وہ ٹی وی پر دوبارہ آگئیں۔ عائشہ خان عائشہ خان پاکستان کی صف اول کی اداکاراؤں میں سے ایک ہیں اور کافی عرصے سے اس شعبے سے منسلک ہیں۔ انہوں نے ان گنت ٹی وی سیریلز میں اداکاری کے جوہر دکھائے اور ساتھ ہی دو فلموں میں بھی کام کیا جس پر انہیں کافی سراہا گیا۔ عائشہ نے بھی اپنے ہونٹوں کو دلکش بنانے کے لئے سرجری کروائی۔ مہوش حیات مہوش حیات ایک اور وہ مشہور اداکارہ ہیں جنہوں نے اپنے ہونٹوں میں بھراؤ کے لئے پلاسٹک سرجری کا سہارا لیا اس کے علاوہ انہوں نے اپنے دانتوں کا بھی علاج کروایا تاکہ ایک پرفیکٹ مسکراہٹ حاصل کی جا سکے۔ سارا لارن سارا لارن کو مونا لیسا کے نام سے بھی جانا جاتا ہے۔ انہوں نے ملک تبدیل کرنے کے ساتھ ساتھ اپنے لُک میں بھی اچھی خاصی تبدیلی کی ہے وہ اب بھارت منتقل ہوچکی ہیں۔ انہوں نے بھی اپنے ہونٹوں میں بھراؤ کے لئے پلاسٹک سرجری کا سہارا لیا۔ ماڈل ثناء سرفراز ماڈل ثناء سرفراز بھی ان پاکستانی سلیبریٹیز میں شامل ہیں جنہوں نے اپنی ناک اور ہونٹوں کو پرفیکٹ کرنے کے لئے پلاسٹک سرجری کا سہارا لیا۔ اس بات میں کوئی شک نہیں کہ اب وہ پہلے سے بہت زیادہ خوبصورت اور پُرکشش نظر آتی ہیں۔ بشکریہ: دیسی فری ٹی وی
