ایک نئی تحقیق میں معلوم ہوا ہے کہ فضائی آلودگی کے سبب ہونے والی بیماریوں میں تازہ ترین اضافہ گردوں کی بیماری  کاہوا ہے۔

امیریکن سوسائٹی آف نیفرولوجی کی رپورٹ میں معلوم ہواکہ فضائی آلودگی، چاہے قلیل مقدار میں کیوں نہ ہو، آپ کے گردوں کو نقصان پہنچا سکتی ہے۔

پچھلی تحقیق میں امراضِ قلب، اسٹروکس، کینسر، دمہ اور دیگر بیماریوں کا تعلق فضائی آلودگی کے ساتھ پایا گیا تھا۔

جب لوگ دھُول، گند، دھوئیں، سوٹ کے باریک ذرات اور آلودہ ہوا میں موجود بخارات سانس کے ساتھ اندر لیتے ہیں تو یہ ذرات ان کے خون میں گھُل جاتے ہیں۔

اور نئے تجزیے کے مطابق چونکہ گردے خون کو صاف کرتے ہیں، یہ ذرات انہیں نقصان پہنچا سکتے ہیں۔

رپورٹس میں محققین خبردار کر رہے ہیں کہ فضائی آلودگی کی کوئی بھی مقدارہو ، چاہے کتنی کم ہی کیوں نہ ہو، گردوں کو ویسے ہی نقصان پہنچاسکتی ہے جیسے دیگر اعضاء مثلاً دل اور پھیپڑوں کو پہنچاتی ہے۔

Daily mail بشکریہ