ایک نئی تحقیق کے مطابق روز کا ایک ایکسٹرا کیلا یا ایووکیڈو دل کے دورے اور اسٹروک سے بچا سکتا ہے۔

تحقیق میں معلوم ہوا کہ پوٹاشیئم سے بھرپور یہ غذائیں رگوں کو مہلک رکاوٹوں سے بچا سکتی ہیں۔

پچھلی تحقیق میں معلوم ہوا تھا کہ سخت اور غیر لچکدار رگیں کسی بھی شخص میں دل کے دورے اور اسٹروک کے خطرات کو بڑھا دیتی ہیں۔

محققین کا ماننا ہے کہ پوٹاشیئم ان جینز کو گردش میں رکھتے ہیں جو رگوں کی لچک کو برقرار رکھتے ہیں۔

تحقیق کے مصنف ڈاکٹر پال سینڈرز، جن کا تعلق یونیورسٹی آف الباما سے ہے، کا کہنا تھا کہ نتائج بتاتے ہیں کہ رگوں کے سخت ہوجانے سے بچاؤ کیلئے کافی مقدار میں پوٹاشیئم  کا کھانا فائدہ مند ہے۔