دیکھا جائے تو کوئی بھی پیشہ آسان نہیں ہوتا۔ ہر پیشے کو انجام دینے کے لیے ہمّت اور محنت درکار ہوتی ہے۔ لیکن دنیا میں چند پیشے ایسے بھی ہیں جنہیں انجام دیتے وقت کام کرنے والے کی جان داؤ پر لگی رہتی ہے۔ آج ہم آپ کو ایسے ہی دنیا کے 10 خطرناک ترین پیشوں کے بارے میں بتانے جارہے ہیں۔ ہمیں امید ہے آپ ان کی تنخواہ اور کام کے بارے میں جاننے کے لئے بہت بے تاب ہوں گے۔ ذیل میں ملاحظہ کریں۔ ٭ آئل رِگرز سمندر کی گہرائی سے تیل نکالنے والے ماہرین کو ہمیشہ ہی خطروں کا سامنا رہتا ہے۔ کیونکہ آئل رگز پر ہفتوں رہنے اور جلدی آگ پکڑنے والے تیل کا کام کرنا انتہائی خطرناک ہوتا ہے۔ آئل رگرز کو اس خطرناک کام کے سالانہ ستر ہزار سے ڈیڑھ لاکھ ڈالرز معاوضہ ملتا ہے۔ ٭کورئیر کورئیر پہنچانے والوں کا پیشہ بھی کسی صورت آسان نہیں۔ مثال کے طور پر پیزا ڈلیوری کرنے والوں کو اکثر اس بات کا بھی علم نہیں ہوتا کہ جنہیں وہ پیزا ڈلیور کرنے جارہے ہیں وہ دھوکے باز، چور یا ڈاکو بھی ہوسکتے ہیں۔ کئی بار پیزا ڈلیور کرنے والوں کو لوٹ بھی لیا جاتا ہے۔ ٭لوگرز درختوں کی کٹائی میں بھاری مشینری استعمال ہوتی ہے۔ کئی بار ایسا بھی ہوتا ہے کہ کٹائی کے دوران درخت کاٹنے والے شخص پر ہی گرجاتا ہے۔ جو کہ درخت کاٹنے والے کی موت کا باعث بھی بن جاتا ہے۔ ٭کروکوڈائل ریسلرز آٹھ ڈالر فی گھنٹہ کے عوض کروکوڈائل ریسلرز اپنے جسم کے مختلف حصوں کو مگرمچھ کے جبڑے میں داخل کرتے ہیں۔ حالانکہ وہ اس بات سے بخوبی واقف ہوتے ہیں کہ وہ اپنے جسم کے اس حصے کو ہمیشہ کے لئے کھو بھی سکتے ہیں۔ یہ ایک بہت ہی خطرناک عمل ہوتا ہے۔ ٭اسنیک مِلکر اسنیک ملکر کا کام سانپ کا زہر نکالنا ہوتا ہے۔ یہ یقیناً ایک بہت خطرناک عمل ہوتا ہے۔ کیو نکہ اس میں صرف ایک غلطی آپ کی زندگی کو ختم کرسکتی ہے۔ اس کام کو کرنے کے لئے اسنیک ملکرز کو سالانہ تیس ہزار ڈالر معاوضہ ملتا ہے۔ ٭ماؤنٹین گائیڈرز پہاڑیوں کو سَر کرنے کا پیشہ بھی کوئی آسان پیشہ نہیں۔ اس پیشے وابستہ لوگوں کو ماؤنٹین گائیڈرز کہا جاتا ہے۔ انہیں باقی تمام لوگوں کے آگے رہنا ہوتا ہے اور بھاری سازو سامان کو بھی ساتھ لے کر چڑھنا ہوتا ہے۔ یہ یقیناً دنیا کے خطرناک ترین پیشوں میں سے ایک پیشہ ہے۔ ٭مچھیرے مچھلیاں پکڑنا بظاہر تو بہت زیادہ خطرناک کام نہیں، لیکن صرف تب تک جب تک کہ موسم کی صورت حال ٹھیک ہو۔ موسم کی خرابی کے باعث مچھیروں کو بھاری قیمت ادا کرنی پڑتی ہے یہاں تک کہ ان کی جان بھی چلی جاتی ہے۔ ٭کنسٹرکشن ورکرز کیا آپ کو ایسا لگتا ہے کہ عمارتیں بنانا ایک آسان پیشہ ہے؟ یقیناً ہزار فِٹ کی بلندی پر کھڑے ہو کر کام کرنا ایک چیلنج سے کم نہیں۔ یہ کام ان لوگوں کے لئے بالکل ممکن نہیں جن کو اونچائی سے ڈر لگتا ہو۔ ٭ جنگی نامہ نگار سوچیں اگر آپ ایک جنگ میں بطور صحافی اپنی خدمات سر انجام دے رہے ہوں تو یقیناً جنگی محاذ میں موجود افراد آپ کو اپنا دوست نہیں سمجھیں گے۔ ایسی حالت میں آپ کو کئی مسائل کا سامنا کرنا پڑ سکتا ہے یہاں تک کہ آپ اپنی جان بھی کھو سکتے ہیں۔ مائیکروفک مینوفیکچرر مائیکروفک آئٹم کو بناتے وقت کئی کیمیکلز کا استعمال کیا جاتا ہے جو ایک سلو پوائزن کے طور پر کام کرتے ہیں۔ اور اسی وجہ سے اسے نیا کے خطرناک ترین پیشوں میں شمار کیا جاتا ہے۔ اس کام کی اوسط تنخواہ 61 ہزار ڈالر ہے۔ Thanks to entertales
