علی ظفر کی نئی فلم'طیفہ ان ٹربل' کا آفیشل ٹریلر ریلیز
کچھ عرصہ پہلے مشہورماڈل، گلوکار اور اداکار علی ظفر نے اپنی پہلی پاکستانی فلم بنانے کا اعلان کیا تھا۔ یہ اعلان انہوں نے اپنے فیس بک، انسٹاگرام اور ٹوئٹر اکاؤنٹ پر کیا تھا۔ علی ظفر کا یہ کہنا تھا کہ ان کی آنے والی فلم کا نام 'طیفہ اِن ٹربل' ہوگا اور کے ڈائریکٹر احسن رحیم ہوں گے۔ واضح رہے کہ احسن رحیم کا نام انٹر ٹینمنٹ انڈسٹری کے بڑے ناموں میں شمار کیا جاتا ہے۔ گذشتہ شب ہونے والی پاکستان سپر لیگ سیزن تھری کی افتتاحی تقریب میں اس فلم کا آفیشل ٹریلر اور گانا ریلیز کردیا گیا ہے. ٹریلر میں دیکھا جا سکتا ہے کہ فلم میں علی ظفر کے ساتھ مایا علی اور جاوید شیخ بھی جلوہ گر ہوں گے۔ فلم طیفہ اِن ٹربل میں علی ظفر کا نام طیفہ ہوگا اور یہ فلم 20 جولائی 2018 کو پاکستان میں ریلیز ہوگی۔ ذیل میں ٹریلر ملاحظہ کریں۔ Here is it!!! The teaser. https://t.co/iefv3kV4z0 — Ali Zafar (@AliZafarsays) February 22, 2018
