اسلام آباد: سابق وزیراعظم عمران خان کی رہائش گاہ بنی گالہ کے گردونواح میں پولیس سرچ آپریشن کرتے ہوئے تمام افراد کی چیکنگ کررہی ہے۔
آج نیوز کے مطابق وفاقی پولیس ہرآنے اورجانے والے افراد کی چیکنگ کررہی ہے جبکہ ایس ایس پی آپریشن کے مطابق بنی گالہ اوراِردگرد سرچ آپریشن کیا جارہا ہے۔
ایس ایس پی کا کہنا ہے کہ بنی گالہ میں خیموں میں موجود افراد کیخلاف کسی قسم کا آپریشن نہیں ہورہا ہے، یہ روٹین کا سرچ آپریشن ہو رہا ہے۔
ذرائع کے مطابق سیکیورٹی تھریٹ کے باعث سرچ آپریشن کیا گیا ہے۔
تاہم سابق وفاقی وزیراورپی ٹی آئی رہنما علی امین گنڈا پوربھی بنی گالہ پہنچے، تو پی ٹی آئی کارکن خیموں سے باہر آئے اورحکومت کیخلاف نعرے بازی کی۔
تاہم پولیس کارکن کومنتشرکرکے واپس چلی گئی۔
