سندھ یونیورسٹی جامشورو انتظامیہ نے کیمپس میں ٹک ٹاک بنانے پر پابندی عائد کردی ہے۔
جامعہ سندھ کی انتظامیہ نے ٹک ٹاک ویڈیوز بنانے پر پابندی عائد کرنے سے متعلق سرکُلر جاری کردیا ہے جس کے مطابق کیمپس میں ہر ٹک ٹاک بنانے والے شخص کے خلاف کارروائی کی جائے گی۔
ذرائع کا کہنا ہے کہ سوشل میڈیا پر طلبہ کی جانب سے بنائی گئی مختلف ویڈیوز میں بیہودہ حرکات کی گئی تھیں جنہیں وائرل ہونے کے بعد شدید تنقید کا نشانہ بنایا گیا جس کے پیش نظر انتظامیہ نے کیمپس میں ایپلیکیشن کے استعمال پر پابندی لگانے کا فیصلہ کیا ہے۔
