ڈیرہ اسماعیل خان میں 20 سالہ خواجہ سرا شیزا کو فائرنگ کرکے قتل کردیا گیا۔

آج نیوز کے مطابق شیزا نامی خواجہ سرا کو رات 3 بجے اس کے دوست راشد نے قتل کیا اور فرار ہوگیا۔

قتل کا واقعہ سرکلر روڈ پر تاج پلازہ میں شیزا کے فلیٹ پر پیش آیا جبکہ میت کو لاہور روانہ کردیا گیا۔

پولیس زرائع کا کہنا ہے کہ ملزم راشد کی گرفتاری کیلئے چھاپے مارے جارہے ہیں۔

انہوں نے کہا کہ ملزم راشد ڈی آیچ کیو اسپتال میں ملازم ہے تاہم واقعے کی نوعیت کے بارے میں ابھی کچھ معلوم نہیں ہوا ہے۔

واضح رہے کہ ڈی اسماعیل خان خواجہ سرا کے قتل کا پہلا واقعہ ہے۔