اسلام آباد: ملک میں کورونا وائرس کے حملے جاری ہیں، ایک روز میں مزید 3افراد زندگی کی بازی ہار گئے، 628 نئے کیسز بھی پورٹ ہوئے۔

قومی ادارہ صحت کے مطابق ملک میں گزشتہ 24 گھنٹے میں کورونا کے 19ہزار 451 ٹیسٹ کئے گئے، جن میں سے 628 افراد میں وائرس کی تشخیص ہوئی جبکہ اس دوران کورونا سے 3 افراد جاں بحق بھی ہوئے، جن میں سے دو کا تعلق سندھ اور ایک خیبرپختونخوا سے ہے۔

COVID-19 Statistics 08 August 2022
Total Tests in Last 24 Hours: 19,451
Positive Cases: 628
Positivity %: 3.23%
Deaths: 03
Patients on Critical Care: 163

— NIH Pakistan (@NIH_Pakistan) August 8, 2022

ملک بھر میں کورونا کے 163 مریضوں کی حالت تشویشناک بتائی جا رہی ہے، مجموعی طور پر کورونا مثبت کیسز کی شرح 3.23 فیصد ہے۔

این آئی ایچ کے مطابق سب سے زیادہ شرح نوشہرہ میں 33.33 فیصد، صوابی میں 30 فیصد،مظفرآباد میں 10.64 فیصد اور پشاور میں شرح 10.43 فیصد رہی۔

اس کے علاوہ مردان میں مثبت کیسز کی شرح 9.27 فیصد، اسلام آباد میں 9.7 فیصد، سرگودھا اور لاہور میں 7.89 فیصد، میرپور میں 5.56 فیصد، فیصل آباد میں 4.68 فیصد، ملتان میں 3.74 فیصداور کراچی میں مثبت کیسز کی شرح 1.48 فیصد رہی۔