رمضان اسپیشل ڈرامہ چپکے چپکے سے شہرت حاصل کرنے ہولی اداکارہ ایمن سلیم اداکاری کے بعد میزبانی کرنے کا سوچنے لگیں۔

ایمن سلیم نے انسٹاگرام پر سوال جواب کا سیشن رکھا جس میں ایک اور صارف نے انہیں رمضان میں گیم شو ہوسٹ کرنے کا مشورہ دیا جس پر اداکارہ نے نجی چینل کے پروڈیوسرز کو ٹیگ کرتے ہوئے کہا کہ اب پاکستان میں خواتین گیم شو ہوسٹ کا دور ہے۔

انسٹاگرام پر ایک صارف نے اداکارہ سے سوال کیا کہ“ آ پ میزبانی کیوں نہیں کرتیں؟ آپ جس طرح سے بغیر رکے بولتی رہتی ہیں، آپ ندا یاسر کو بھی پیچھے چھوڑ دیں گی“۔

جس پر اداکارہ ایمن سلیم نے صارف کے جواب میں کہا کہ“ آپ کو کچھ بھی زیادہ اچھے طریقے سے کرنے کے لیے کسی دوسرے کو ہرانا ضروری نہیں بلکہ ایک دوسرے کے ساتھ رہنا اور ایک دوسرے کو برداشت کرنا سیکھنا چاہیئے۔

اداکارہ نے مزید کہا کہ ویسے میں آپ کی رائے سے متفق ہوں، مجھے لگتا ہے کہ میں گیم شو بہترین طریقے سے ہوسٹ کرسکتی ہوں۔