چین میں بسنے والوں کی اردو زبان سے محبت بیجنگ فارن سٹڈیز یونیورسٹی میں قائم “شعبہ اردو” سے تو مسلمہ ہے ہی لیکن اردو کے ساتھ ساتھ چینیوں کو یہاں کی موسیقی پربھی خاصا عبور حاصل ہے۔
پاکستان کی مقبول ترین گلوکارہ اور اداکارہ حدیقہ کیانی کے گیت ‘بوہے باریاں’ کا جادو پاکستان وبھارت (جہاں اس گانے کی بھونڈی نقالی بھی کی گئی) کےعلاوہ چین میں بھی سرچڑھ کر بول رہا ہے۔
سوشل میڈیا پرچین میں پاکستان کے سفیر معین الحق کی جانب سے شیئرکی جانے والی ایک ویڈیو خوب وائرل ہے جس میں خاتون کو انتہائی سریلے اندازمیں ‘بوہے باریاں’ گاتے ہوئے دیکھا جاسکتا ہے۔ خاص بات خاتون کا مشرقی اندازبھی ہے جس نے دیکھنے والوں کے دل موہ لیے۔
Pakistan Embassy College Beijing music teacher Ms. Vicky performing the iconic song ‘Buhe Bariyan’ of @Hadiqa_Kiani at the Pakistan Food and Cultural Festival organized by Embassy to mark 75th Independence of Pakistan at Silk Road International Arts Centre.@PkPublicDiplo pic.twitter.com/hnWOY3xLlM
— Moin ul Haque (@PakAmbChina) August 17, 2022
مس وکی نامی یہ خاتون چین کے دارالحکومت بیجنگ میں واقع پاکستان ایمبیسی کالج کی میوزک ٹیچر ہیں۔
اس تقریب کا انعقاد پاکستان کے 75ویں یوم آزادی کے موقع پرسفارت خانے کے زیراہتمام کیا گیا تھا جس میں وکی نے یہ گیت گا کر چار چاند لگا دیے۔
ویڈیو میں تقریب کے شرکاء کو گانے سے خوب محظوظ ہوتے ہوئے دیکھا جاسکتا ہے۔
