ملکی تبادلہ منڈیوں میں ڈالر کے مقابلے روپے کی قدر میں مزید کمی ہوئی ہے۔

اسٹیٹ بینک کے مطابق جمعہ کے روز انٹر بینک میں 2 روپے 76 پیسے اضافے کے بعد ڈالر 228 روپے 18 پیسے پر بند ہوا ہے۔

کاروباری ہفتے کے اختتام پر ڈالر کے بھاؤ میں 9 روپے 20 پیسے کا واضح اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 233 روپے ہے۔

خیال رہے کہ گزشتہ روز انٹر بینک میں دو روپے اضافے سے ڈالر کی قیمت 225 روپے 42 پیسے ریکارڈ کی گئی تھی۔