جانوروں میں وفاداری کی مثال قائم کرنے والے کتوں کی اہم خصوصیت کا انکشاف ہوا ہے۔

غیر ملکی میڈیا کے مطابق ایک تحقیق میں دعویٰ کیا گیا ہے کہ کّتے اس وقت سونگ سکتے ہیں جب کہ کوئی بھی شخص کسی دباؤ کا شکار ہو۔

رپورٹ میں بتایا کہ آئرلینڈ میں محققین نے ریاضی کے پیچیدہ مسئلے کا سامنا کرنے سے پہلے اور بعد میں 36 شرکاء سے سانس اور پسینے کے نمونے اکھٹے کیے جب کہ شرکاء سے ان کے تناؤ کی سطح کا بھی پوچھا گیا۔

نمونوں کا استعمال کرتے ہوئے جہاں ایک شخص کی دل کی دھڑکن اور بلڈ پریشر میں اضافہ ہوا وہیں چار کتوں کو دباؤ کا شکار افراد کو تلاش کرنا پڑ گیا۔

ایک جریدے میں شائع ہونے والے نتائج میں انکشاف کیا گیا ہے کہ یہ خصوصیت عمومی طور پر ہر کتے میں پائی جاتی ہے۔