انٹر بینک میں ڈالر کے مقابلے روپے کی قیمت میں کمی کا سلسلہ جاری ہے۔

اسٹیٹ بینک کے مطابق منگل کے روز ملکی تبادلہ منڈیوں میں مزید 82 پیسے کمی کے بعد ڈالر 219 روپے 71 پیسے کی سطح پر بند ہوا ہے۔

رواں ہفتے ڈالر کے بھاؤ میں ایک روپے 28 پیسے کا اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 226 روپے ہے۔

خیال رہے کہ گزشتہ روز انٹر بینک میں 46 پیسے اضافے کے بعد ڈالر کی قیمت 218 روپے 89 پیسے ریکارڈ کی گئی تھی۔