پاکستان پیپلز پارٹی کے چئیرمین بلاول بھٹو زرداری نے ترجمان پاک فوج اور ڈی جی آئی ایس آئی کی مشترکہ پریس کانفرنس کو بے مثال اور تاریخی قرار دیا ہے۔
پاکستان کی پرائم خفیہ ایجنسی آئی ایس آئی کے ڈائریکٹر جنرل (ڈی جی) لیفٹیننٹ جنرل ندیم انجم اور پاکس فوج کے شعبہ تعلقاتِ عامہ (آئی ایس پی آر) کے سربراہ لیفٹیننٹ جنرل بابر افتخار نے کینیا میں قتل ہونے والے صحافی ارشد شریف اور امریکی سائفر سے متعلق ایک غیر معمولی پریس کانفرنس کی اور صحافیوں کے سوالات کے جواب دیے۔
یہ بھی پڑھیں: ’فوج کے آئینی کردار تک محدود ہونے پر آئندہ قیادت قائم رہے گی‘
بلاول بھٹو نے ٹوئٹر پر جاری اپنے پیغام میں لکھا کہ، ’اسٹیبلشمنٹ کی ”متنازع“ سے ”آئینی“ کردار کی طرف منتقلی پاکستان کی ترقی اور خوشحالی کے لیے ناگزیر ہے۔ پیپلز پارٹی نے تین نسلوں سے اس کے لیے جدوجہد کی ہے۔‘
چئیرمین پی پی پی نے لکھا کہ، ’ڈی جی آئی ایس آئی اور آئی ایس پی آر کی پریس کانفرنس بے مثال اور تاریخی ہے۔ منتقلی کی ادارے کی منتقلی کے عمل کی حوصلہ افزائی کی جانی چاہیے۔‘
