صدرِ مملکت ڈاکٹر عارف علوی نے سپریم کورٹ میں ججز کی تعیناتی کی منظوری دے دی۔

صدر مملکت نے چیف جسٹس اسلام آباد ہائی کورٹ جسٹس اطہر من اللہ کو بطور سپریم کورٹ جج تعینات کرنے کی منظوری دی، ساتھ ہی جسٹس عامر فاروق کو بطور چیف جسٹس اسلام آباد ہائی کورٹ تعینات کرنے کی بھی منظوری دی گئی۔

جسٹس حسن اظہر رضوی اور جسٹس شاہد وحید کی بھی سپریم کورٹ میں تقرری کی منظوری دی گئی۔

صدر نے تعیناتی کی منظوری آئین کے آرٹیکل 175 اے کے تحت دی۔