اداکارہ ہانیہ عامرکو حال ہی میں گوجرانوالہ میں ناخوشگوارصورتحال کاسامنا کرنا پڑا جب پرستاروں کے ہجوم نے ان کے ساتھ بدتمیزی کی۔
ہانیہ دو روز قبل گوجرانوالہ میں مداحوں کے ساتھ ایک میٹ اپ ایونٹ کے لیے گئی تھیں جہاں انہوں نے خوشگوار وقت گزارا لیکن تقریب سے باہرآتے ہوئے ایک بڑے ہجوم نے اداکارہ کو گھیرلیا۔
وائرل ویڈیومیں انہیں پریشان کن صورتحال کاسامنا کرتا دیکھا جاسکتا ہے۔
ہجوم کی جانب سے پاس پہنچنے کی کوشش میں ہانیہ دھکم پیل کی زد میں بھی آئیں ، گو وہ سب ان کے پرستار تھے لیکن رویہ نامناسب تھا جس کی وجہ سے اداکارہ کو پریشانی ہوئی۔
ہانیہ فورا کسی طرح اپنی گاڑی تک پہنچ کروہاں سے روانہ ہوگئیں۔
ویڈیو دیکھنے والے صارفین نے تبصروں میں لکھا کہ ہانیہ اب کبھی دوبارہ اپنی زندگی میں گوجرانوالہ کا رُخ نہیں کریں گی۔
ہانیہ کی جانب سے سوشل میڈیا پر اس واقعے سے متعلق کوئی تبصرہ نہیں کیا گیا ہے۔
ہانیہ عامراور فرحان سعید کا مقبول ترین ڈرامہ ’ہمسفر‘ حال ہی میں اختتام پزیرہوا ہے ، سیریل نہ صرف پاکستان بلکہ بنگلہ دیش، بھارت اور نیپال میں بھی اسی ذوق وشوق سے دیکھا گیا۔
