انگلینڈ کی کرکٹ ٹیم 17 سال بعد ٹیسٹ سیریز کھیلنے کے لئے پاکستان پہنچ گئی ہے۔

مہمان کھلاڑیوں کو اسلام آباد ایئرپورٹ سے سخت سکیورٹی میں ہوٹل پہنچایا گیا۔

انگلینڈ کے خلاف ٹیسٹ سیریز کے لئے پاکستان کرکٹ ٹیم کی اسلام آباد میں تیاریاں جاری ہیں۔

قومی کھلاڑی اسلام آباد کلب میں مسلسل دوسرے روز ٹریننگ میں مصروف ہیں جبکہ 3 میچز کی سیریز کے لئے انگلش ٹیم اسلام آباد پہنچ گئی ہے۔

پاکستان اورانگلینڈ کے درمیان پہلا ٹیسٹ یکم دسمبر سے راولپنڈی میں شروع ہوگا اور پاکستان کرکٹ بورڈ نے پاک انگلینڈ ٹیسٹ سیریز کے لئے میچ آفیشلز کا اعلان کیا ہے۔

7 امپائرز پر مشتمل آفیشلز کا پینل ترتیب دیا گیا ہے جس میں احسن رضا، آصف یعقوب اور راشد ریاض بھی میچ آفیشلز کا حصہ ہیں۔