صدرِ مملکت ڈآکٹر عارف علوی کی جانب سے نئے آرمی چیف کی تقرری سمری پر دستخط کئے جانے کے بعد وزیرِ دفاع خواجہ آصف نے کہا ہے کہ آرمی چیف جنرل قمر جاوید باجوہ نے کل جو گفتگو کی وہ اچھا شگون ہے، تمام اداروں کو اپنی آئینی حدود میں رہنا چاہیے۔

پارلیمنٹ ہاؤس میں میڈیا سے گفتگو کرتے ہوئے وزیر دفاع نے کہا کہ صدر مملکت نے سمری پر دستخط کردیے ہیں، یہ بھی ایک اچھا شگون ہے، اس سے ملک میں ہیجانی کیفیت کا خاتمہ ہوگا۔