کوئٹہ میں بلیلی چیک پوسٹ کے قریب ہونے والے خودکش دھماکے میں ٹرک سمیت 3 گاڑیاں زدمیں آئیں، حملے میں 20 سے 25 کلو گرام بارودی مواد استعمال کیا گیا۔

ڈی آئی جی کوئٹہ اظفرمہیسر کے مطابق دھماکے میں پولیس اہلکارسمیت 2 افراد جاں بحق ہوئے، خود کش بمبار پولیس ٹرک سے ٹکرایا۔

ڈی آئی جی کے مطابق دھماکے کے بعد پولیس ٹرک سڑک کے ساتھ نشیب میں اترگیا، پولیس کا جوان ٹرک کے نیچے آ کرشہید ہوا۔

اظفرمہیسر نے بتایا کہ دھماکے سے ٹرک سمیت 3 گاڑیاں زد میں آئیں، واقعے میں 20 پولیس اہلکار اور4 شہری زخمی ہوئے۔

انہوں نے مزید کہا کہ امکان ہے خود کش دھماکے میں کم از کم 20 سے 25 کلوگرام بارودی مواد استعمال کیا گیا ہے۔