پاکستان میں سائبر کرائم کےحوالے سے درج ہونے والی شکایات کی تفصیلات سامنے آگئی ہیں۔

اس ضمن میں وزارت داخلہ کی جانب سے قومی اسمبلی میں تحریری جواب جمع کرایا جس میں کہا گیا ہے کہ انٹرنیٹ صارفین کی بڑھتی ہوئی تعداد ایک بڑھتا ہوا خطرہ ہے۔

وزارت داخلہ کی رپورٹ کے مطابق 2019 میں 30 ہزار 209 شکایات، 2020 میں 1 لاکھ 18 ہزار 11 شکایات جب کہ گزشتہ سال 1 لاکھ 2 ہزار 772 شکایات موصول ہوئی تھیں۔

وزارت داخلہ کا کہنا ہے کہ 2022 میں سائبر کرائم کی 1 لاکھ 7 ہزار 493 شکایات موصول ہوئیں ہیں، تین سالوں میں تین ہزار 60 ایف آئی آر درج ہوئیں جب کہ 124 افراد کو سزا سنائی گئی۔