وزیرخارجہ بلاول بھٹو نے اقوام متحدہ (یواین) کے سیکریٹری جنرل انتونیوگوتریس سے نیویارک میں ملاقات کی۔
اقوام متحدہ کے ہیڈکوارٹر میں ہونے والی اس ملاقات میں دونوں رہنماؤں کے درمیان پاکستان میں سیلاب متاثرین کی بحالی اور دیگر امور پر بات چیت ہوئی۔
بلاول بھٹو زرداری نے سیلاب زدگان کی مدد کرنے میں اہم کردار ادا کرنے پر یو این سیکریٹری جنرل کا شکریہ بھی ادا کیا۔
وزیرخارجہ بلاول بھٹو نے مسئلہ کشمیر کو یو این قرار دادوں کے مطابق حل کرنے پر بھی زور دیا۔
