مرحوم ٹی وی میزبان اور پی ٹی آئی رہنما عامر لیاقت حسین کی تیسری اہلیہ دانیہ شاہ کوکراچی کی عدالت میں پیش نہ کیا جاسکا۔

ایف آئی سائبرکرائم کی ٹیم دانیہ کولے کرسٹی کورٹ پہنچی جہاں جج عدالتی وقت ختم ہوجانے کے باعث جاچکے تھے۔ اس پر پولیس دانیہ کو پیشی کے بغیرواپس لے کر روانہ ہوگئی.

دانیہ کو وفاقی تحقیقاتی ایجنسی (ایف آئی اے) کے سائبر کرائم ونگ نے عامرلیاقت کی نازیبا ویڈیوز لیک کرنے کے الزام میں گزشتہ روز لودھراں میں ان کی رہائشگاہ سے گرفتارکیا تھا۔

ایف آئی اے حکام کےمطابق دانیہ کی گرفتاری کی درخواست عامر لیاقت کی صاحبزادی دُعا کی جانب سے دائر کی گئی تھی۔

عدالتی عملے کا کہنا ہے کہ دانیہ کو اب کل ریمانڈ کے لیے پیش کیا جائے گا۔