وزیرخارجہ بلاول بھٹو اور برطانوی ہم منصب جیمز کلیورلی کے درمیان ٹیلی فونک رابطہ ہوا ہے۔

ٹیلی فونک رابطے میں دونوں رہنماؤں نے پاکستان میں پاک برطانیہ کرکٹ سیریز کے کامیاب انعقاد پر گفتگو کی جب کہ بلاول بھٹو نے جیمز کلیورلی کو برطانوی ٹیم کی جیت پر مبارکباد دی۔

اس موقع پر بلاول بھٹو نے کہا کہ کرکٹ سیریز کے نتائج سے کوئی فرق نہیں پڑتا، پاکستان میں انٹرنیشنل کرکٹ کی بحالی پر خوشی ہے، البتہ پاک برطانیہ تعلقات مضبوط سے مضبوط تر ہو رہے ہیں۔