چینی وزیرخارجہ وانگ پی نے امریکی ہم منصب کو خبردار کرتے ہوئے کہا کہ امریکا ریڈ لائن عبور کرنے سے باز رہے۔

چینی وزیرخارجہ نے انٹونی بلنکن سے ٹیلی فونک رابطہ میں کہا امریکا کو دھونس دھاندلی اور دوسروں کو دبانے کی پالیسی تبدیل کرنا ہوگی، امریکا چین کی ترقی کو دبانے کے لیے مختلف ہتھکنڈے استعمال کر رہا ہے۔

میڈیا رپورٹ کے مطابق امریکی وزیر خارجہ انٹونی بلنکن نے باہمی تعلقات کو منظم کرنے پر زور دیا اور دونوں شخصیات کے درمیان پر یوکرین جنگ پر گفتگو کی گئی۔